Għeżież Ġenituri,

Bħalma tafu l-eżamijiet qed joqorbu mhux ħażin. Għalhekk importanti li t-tfal tagħkom jagħmlu reviżjoni ta’ dak li jsir fil-klassi.

 Il-Ġimgħa 20 ta’ Jannar

 L-istudenti tal-Yr. 4 sejrin Inclusion Session fl-Iskola Primarja u l-iSpecial Unit ta’ Sannat. Importanti li għada jiġu bit-tracksuit, fardal jew tee shirt. Se jkollhom 3 attivitajiet – fil-gymnasium tal-iskola, sensory session u arts and crafts session. Jitilqu mill-iskola fl-10.00a.m. mal-għalliema tagħhom.

 It-Tnejn 23 ta’ Jannar.

 Ser ikun hemm ‘Open Day’ għat-tfal u l-ġenituri tal-Yr.6 Boys fis-Skola Sekondarja tas-Subien. Għall-bniet biss se tkun dakinhar stess fl-iskola Sekondarja tal-Bniet.

 It-Tlieta 24 ta’ Jannar

 L-istudenti tal-Yr.4, Yr.5, Yr. 6 se jmorru jaraw l-Mużewijiet li hemm fiċ-Ċittadella u wara jaraw film qasir Gozo 360’.

 Il-Ħamis26 ta’ Jannar

 Ser ikollna l-Qrar. Il-ġenituri tal-Yr. 4, Kinder 1 u Kinder 2 se jkollhom taħdita dwar Child Safety fl-Iskola Primarja tan-Nadur. Il-ħin ikun fid-9.00a.m

 Il-Ħamis26 ta’ Jannar

 Staff Meeting

It-tfal  kollha se jintbagħtu d-dar f’nofsinhar. L-għalliema se jkollhom staff meeting importanti dwar l-eżamijiet.

 Il-Ġimgħa 27 ta’ Jannar

 Filgħodu se jkollna l-Quddiesa immexxija mill-Arċipriet.

Għeżież Ġenituri,

 Bħala parti mill-eżercizzju ta’ tranżizzjoni mill-Year 6 għall-Form 1, ser tiġi   organizzata Open Day fl-iskejjel Sekondarji tal-Gvern, Bniet u Subien.

 Waqt l-Open Day, il-ġenituri ta’ studenti subien jistgħu jakkumpanjaw lil uliedhom u jżuru huma wkoll l-iskola fl-istess ġurnata 23 ta’ Jannar 2012.

L-għan prinċipali ta’ din il-laqgħa hu li jingħata aktar tagħrif dwar l-għażla tas-suġġett filwaqt li l-istudent jsiru aktar familjari mas-suġġetti li jistgħu jagħżlu u l-ambjent tal-iskola sekondarja.

 *Minħabba raġunijiet loġistiċi, l-programm għall-istudenti bniet ser ikun differenti minn dak tas-subien.

 Il-ġenituri tal-istudenti bniet ser ikollhom iċ-ċans li jżuru l-iskola Sekondarja Bniet, l-għada, nhar it-Tlieta, l-24 ta’ Jannar.

 Għalliema tal-Guidance

Għeżież Ġenituri,

Bħala parti mill-ezercizzju ta’ transizzjoni mill-year 6 ghall-Form 1, ser tiġi   organizzata “Open Day” fl-iskejjel Sekondarji tal-Bniet.

Il-ġenituri tal-istudenti bniet ser ikollhom iċ-ċans li jżuru l-iskola Sekondarja bniet, l-għada li jiġu it-tfal, nhar it-Tlieta, l-24 ta ’ Jannar.  Dakinhar, Ms M. A. Attard, Kap tal-Iskola  Sekondarja tal-bniet, ser tiltaqa’ mal-ġenituri waqt laqgha li ser issir fis-sala tal-iskola fid-9.00am. Din il-laqgha hija wahda importanti peress li ser tingħata informazzjoni  dwar l-andament tal-ewwel sena skolastika fl-iskola sekondarja. Waqt il-laqgha ser ikun hemm ukoll l-opportunita li jsiru mistoqsijiet dwar l-għazla tas-suġġetti li jridu jagħmlu l-istudenti. Wara, l-ġenituri jkunu jistgħu jaraw l-klassijiet fejn uliedhom ser ikunu s-sena d-diehla.

 Grazzi tal-koperazzjoni tagħkom. F’kas ta’ diffikulta ċemplu fuq 21556238/21556189 u tkellmu mal-għalliema tal-Guidance.

 Nirringrazzjawkom bi ‘l quddiem tal-koperazzjoni tagħkom u nistennew li tilqgħu l-istedina taghna.

Tislijiet

Ms Maria Assunta Attard

Kap tal-Iskola

Nixtieq ninfurmakom li t-tfal tar-raba, l-ħames u s-sitt klassi ser neħduhom għall-żjara kulturali fiċ-Ċittadella, r-Rabat nhar it-Tlieta 24 ta’ Jannar 2012. Hemmhekk ser ikollna l-opportunita’ li nżuru xi mużewijiet. Wara t-tfal ser neħduhom jaraw film dwar l-istorja t’Għawdex – Gozo 360 fic-Citadel Cinema.

Prezz ta’ din l-attivita’ huwa ta’ €2. li jinkludi trasport u l-film.

 Grazzi

Matul ix-xahar ta’ Diċembru kellna diversi attivitajiet. Kellna Novena li għallmitna fuq diversi persunaġġi relatati mal-ġrajja qaddisa tal-Milied.  Bħala skola kellna ħarġa divertenti u fl-istess ħin edukattiva. Rajna film sabiħ (Dolphin’s Tale) b’tema marbuta mal-imħabba u rispett lejn in-natura u lejn il-bnedmin. Żorna wirja tal-presepji u wara kellna ikla  fis-sala tal-iskola tagħna. Fl-aħħar spiċċajna bi qsim ta’ kejk biex niċċelebraw l-għoti tal-Green Flag. Ma nistgħux ninsew il-Kunċert tal-Milied fejn kull tifel u tifla ħadu sehem b’diversi innijiet tal-Milied. Il-Ħamis 22 ta’ Diċembru kellna l-festin tal-Milied. Ġurnata li t-tfal jistennew b’ħafna entużjazmu! J’Alla dawn il-memorji sbieħ jibqgħu f’qalb it-tfal tagħna għal diversi snin.

Għeżież Ġenituri,

Kemm ħassejtni ferħana fil-Kunċert tal-Milied x’ħin rajtkom ilkoll. F’Għajnejkom rajt l-entużjażmu, l-interess u l-imħabba li għandkom għal uliedkom.

Dan il-kunċert tela bil-koperazzjoni tal-istaff kollu tal-iskola, ħadmu f’teamwork u ta’ dan nirringrazzjahom.

 Grazzi tas-sorpriża li tajtuni. Is-70 € li ġbartu intom minn kull familja li hawn fl-iskola għall-bżonnijiet tal-iskola jimlieni b’kuraġġ. Din is-somma ser tintuża għall-bżonnijiet tal-istudenti.

 J’Alla lkoll kemm intom ikollkom vaganzi u ġranet sbieħ dan il-Milied qaddis u sena ġdida mimlija kull barka, paċi u ġid mis-sema.

 Ħallu l-Milied jgħaddi mbagħad ħajru lil uliedkom biex jibdew jagħmlu ftit homework kuljum u ftit revision. It-tfal jidħlu lura l-iskola nhar it-Tnejn 9 ta’ Jannar 2012.

Dame Marianne Zammit

Acting Head of School.

Għeżież Ġenituri,

Nhar il-Ġimgħa 9 ta’ Diċembru lejlet il-Festa tal-Madonna ta’ Loreto l-Arċipriet laqgħana fil-Knisja biex iċċelebrajna l-quddiesa lkoll flimkien. Grazzi lill-Arċipriet.

Betlehem f’Għajnsielem 12 u 14 ta’ Diċembru

Ħafna mill-istudenti tagħna ipparteċipaw f’ Betlehem f’Għajnsielem. Grazzi tmur lil Miss Theuma u lil l-għalliema kollha, LSA’s u KA’s li qattgħu ħafna ħin mat-tfal.

It-tfal li ma ħadux sehem ħadniehom jaraw il-personaġġi u l-annimali sbieħ li kien hemm. Prosit lill-organizzaturi, parteċipanti u lil Ms. Sonia Mallia u lil Mr. Charles Portelli u lilkom ġenituri li tajtu kontribut.

Piggy Bank 14 ta’ Diċembru

Ser jinġabru l-Piggy Banks mill-Community Chest Fund. Grazzi lil kull min ta minn qalbu biex nimlewhom. Il-Bambin ikattrilkom.

Kummissarju tat-tfal 14 ta’ Diċembru

Żewġ studenti minn tagħna ser jippreżentaw lill-iskola u sejrin għall-laqgħa mal-Kummissarju tat-tfal għall-laqgħa. Intagħżlu tnejn biss minn kull skola.

Quddiesa tal-Community Chest Fund 15 ta’ Diċembru

Ser issir quddiesa fil-Parroċċa ta’ Kerċem fejn il-President ta’ Malta ser jiġbor fondi minn kull skola għall-Community Chest Fund.

General Rehersal 16 ta’ Diċembru

It-tfal kollha ser isirilhom General Rehersal tal-Kunċert tal-Milied. Dakinhar it-tfal kollha jistgħu jiġu bit-Track Suit.

Wara r-rehersal il-Year 3 u l-Year 4 sejrin Trekking.

Ħarġa għat-tfal It-Tnejn 19 ta’ Diċembru

Din ser tkun ġurnata sabiħa għat-tfal. It-tfal mill-Year 1 sa Year 6 ser imorru jaraw flimkien mal-għalliema kollha tagħhom Dolphin’s Tale fic-Citadel Cinema. It-tfal tal-Kinder se jibqgħu l-iskola u jaraw film addattat għalihom li jismu Kung Fu Panda. Il-kbar wara l-film ser imorru jaraw esebizzjoni tal-Presepji fis-Sala tal-Ministeru għal Għawdex. Kif nirritornaw lkoll l-iskola se jkollna ikla lkoll flimkien fil-Hall tal-Iskola. Dawn ser jingħataw burger, chips u salad jew nugget chips u salad. Il-prezz li jinkludi t-transport, l-film u l-ikel huwa ta’ €9. It-tfal tal-Kinder se jkollhom chicken nuggets u chips u salad. Il-Prezz tagħhom hu €3. Wara l-ikla l-iskola ser toffri u tagħmel kejk aħdar li jirrapreżenta l-Green Flag li rbaħna u t-tfal kollha ser jingħataw biċċa kejk għax jixirqilhom ta’ kemm tħabtu biex irbaħnieha.

Kunċert tal-Milied 20 ta’ Diċembru

Intom ġenituri u nanniet mistiedna għall-Kunċert tal-Milied li ser isir għalikom. Dan il-Kunċert ser jibda f’12.00pm. Please kunu seated 10 minuti qabel biex nibdew fil-ħin. Waqt din l-attivita’ ser jittella l-presepju li tatna Emerenziana Zerafa. Minn hawnhekk nirringrazzjaha tal-presepju u ngħidilha Prosit kemm hu sabiħ.

Qrar 21 ta’ Diċembru

 F’dan il-jum ser isir il-qrar.

 Quddiesa 22 ta’ Diċembru

 Ser issir quddiesa mill-Arċipriet u wara party lit-tfal f’kull klassi. Bħas-snin l-imgħoddija l-Kinder iħallsu €1, Year 1, Year 2, Year 3 iħallsu €2, Year 4, Year 5, Year 6 iħallsu €3. Jekk hawn xi familji li hija problema għalihom javviċinawni u nirranġa jien.

 Ta’ kuljum qiegħda ssir in-Novena tal-Milied animata minn klassijiet differenti.

 Nixtiqulkom ilkoll Milied qaddis u Sena mimlija kull barka, paċi u sliem.

  It-tfal jerġghu jirritornaw l-iskola nhar it-Tnejn 9 ta’ Jannar 2012.

Dame Marianne Zammit

A/Head of School

Fl-aħħar ta’ Novembru l-klassijiet tal-Year 1, 2 u 3 kellhom ħarġa divertenti sa Popeye Village! Hemm iltaqgħu ma’ diversi karattri u raw kif isiru r-rigali tal-Milied! Żur il-website tal-Year 1 biex tara aktar ritratti ta’ din il-ħarġa.

Għeżież Ġenituri,

 Bi pjaċir ninfurmakom li rbaħna l-Green Flag.

Dan huwa unur mhux biss għall-iskola tagħna imma għar-raħal kollu. Il-Ministru għal Għawdex, l-Arċipriet u l-ex Kap onorawna bil-preżenza taghhom.

Din il-bandiera l-ħadra tingħata lil dawk l-iskejjel li l-istudenti u l-għalliema tagħha ikunu ħadmu bis-sħiħ biex irreċiklaw, naqqsu l-iskart u użaw l-oġġett għal aktar minn darba (reduce, reuse, recycle). Grazzi lil link teachers Ms.Ritienne Attard u Ms. Lorietta Buttigieg kif ukoll lill-kumitat ta’ EkoSkola u lill-istaff kollu.

 Student’s Council

 Saret l-elezzjoni biex jinħatar il-kunsill tal-istudenti. Il-membri eletti minn sħabhom l-istudenti huma

 Maxine Portelli u Glen Saliba mill-Year 5

Rebecca Grech u Chris Farrugia mill-Year 6

Nifirħulhom għall-kariga tagħhom u nawgurawlhom sena ta’ ħidma għall-ġid ta’ sħabhom u tal-iskola.

 Get Together

Nirringrazzjawkom għeżież ġenituri tas-suċċess tal-’Get Together’ li sar għalikom. Grazzi tar-rigali u vouchers li bgħattulna biex setgħu jirbħuhom il-ġenituri numerużi li attendew għal din l-attivita. Il-qligħ ta’ din l-attivita’ sejjer kollu biex jinxtraw ‘readers’ bl-Ingliż għat-tfal tal-Year 5. Dawn il-kotba ilu jinħass il-bżonn tagħhom u se jibqgħu fl-iskola biex jintużaw anke għas-snin li ġejjin.

 Parents’ Day

 Prosit għax kważi kulħadd attenda għall ‘Parents’ Day’ li ġiet organizzata għalikom. Dan juri kemm intom dedikati u tieħdu interess fl-edukazzjoni ta’ uliedkom.

 Tfal tal-Kinder

 It-tfal tagħna flimkien mal-KA’s tagħhom ħarġu sa Betlehem f’Għajnsielem fejn raw l-annimali li hemm f’dan il-post. Dawn marru peress li kienu qed jgħaddu  t-topik fuq l-annimali. It-tfal raw l-annimali ta’ veru u għalfuhom ukoll. Din kienet esperjenza unika u sabiħa għalihom.

Trekking sax-Xatt l-Aħmar u l-Ħeliport

 It-tfal tal-Year 1 u Year 2 marru mal-għalliema tagħhom u mal-għalliema ‘animators’ tal-Gozo College sax-Xatt l-Aħmar fejn raw il-pajsaġġ Għawdxi. Mixja bħal din f’dawn iż-żminijiet niżlet għasel mat-tfal għax gawdew għal ftit ħin in-natura ta’ madwarna.

 

 It-tfal tal-Year 5 flimkien mal-għalliema tagħhom u mal-għalliema ‘animators’ tal-Gozo College marru ‘trekking’ sal-heliport. Hemm iltaqgħu mal-membri tat-taqsima tat-tifi tan-nar u għamlulhom dimostrazzjoni kif jitfu n-nar. Kull student ingħata ċ-ċans li jitla’ ma’ membru tat-taqsima tat-tifi tan-nar għoli sitt sulari fuq is-sellum tagħhom li jintuża f’każ ta’ ħruq. Kienet esperjenza sabiħa u informattiva li ma jinsewha qatt.

 

 Popeye Village

It-tfal tal-Year 1, Year 2, Year 3 marru Popeye Village mal-għalliema tagħhom u ma’ Ms. Attard. Hemm kellhom esperjenza ta’ Christmas Father’s Factory fejn ħadu gost u affaxxinaw ruħhom jaraw il-Christmas Father imħabbat jagħmel ir-rigali tal-Milied għat-tfal.

 Isem tal-Iskola

Waħħalna l-isem tal-iskola. Vera sabiħ magħmul mill-ħġieġ. Dan ġie mwaħħal mal-bieb tal-hall.

Presepju

 Nirringrazzja lil Emerenziana Zerafa li għamlitilna volontarjament presepju kbir u sabiħ mimli pasturi biex intellgħuh. Il-fondi li jinġabru ser nużawhom għall-iskola. Inħeġġiġkom biex taħsbu għall-biljetti kmieni.

 Time Table tal-Eżamijiet ta’ Nofs is-Sena

Għalkemm għadu kmieni qed nibgħatilkom it-time table tal-eżamijiet ta nofs is-sena biex tkunu tafu d-dati u ftit ftit it-tfal tagħkom jibdew jippreparaw għalihom.

 Half Yearly Exams Time Table – (click here)

Avviż Importanti – Staff Meeting

 Nhar il-Ġimgħa 9 ta’ Diċembru se jkollna ‘Staff Meeting’. Dakinhar it-tfal kollha tal-iskola tagħna  jispiċċaw l-iskola f’nofsinhar (12.00pm).

 

Nhar l-Erbgħa, 23 ta’ Novembru 2011, kienet ġurnata speċjali għall-iskola tagħna.  Dan għaliex waqt ċerimonja li saret fl-iskola tagħna, ġejna mogħtija l-’Green Flag’.  Dan huwa unur kbir għall-iskola u anke għar-raħal tagħna.  Prosit kbira lil kulħadd, speċjalment lill-kumitat ta’ Ekoskola!! Nibqqgħu naħdmu flimkien biex inżommu dan l-unur. Biex tara aktar ritratti żur il-blog tal-Ekoskola.

Nirringrazzjaw minn qalbna lil Leah tal-cards sbieħ li bagħtitilna. Aħna nwegħduk li niftakru fik kuljum fit-talb tagħna. J’Alla l-Mulej jibqa’ dejjem miegħek u mal-familjari tiegħek f’dak kollu li għandkom bżonn.  Ritratti

 

Ara r-ritratti kollha

Grazzi mill-qalb lit-tfal kollha li taw sehemhom biex din il-ġurnata tkun suċċess. Il-ġbir kollu  li sar minn din l-attivita’ tajnieh lill-ġenituri ta’ Leah Xuereb,  tifla mill-Iskola tagħna li qiegħda fi sptar l-Ingilterra. Ġest sabiħ ħafna li għamlu t-tfal tal-iskola tagħna.  Nirringrazzjaw minn qalbna lil Buzzy Kids li offrewlna s-servizz tagħhom mingħajr ħlas. 

Għeżież Ġenituri,

Il-Ġimgħa 18 ta’ Novembru t-tfal kollha sa nofsinhar peress li minn 12.30pm sas-2.30pm ser issir Parents’ Day għat-tfal li qegħdin Yr.1, Yr.2, Yr.3, Yr. 4, Yr. 6.

Yr.5- Parents’ Day

Ser issir Parents’ Day għat-tfal li qegħdin Yr.5 nhar it-Tnejn 21 ta’ Novembru 2011.  It-tfal kollha jiġu l-iskola u intom tkellmu lill-għalliema waqt li l-istudenti jkunu PSD.

Qed naqsmukom fuq żewġ ġranet peress li għalliem minnhom jgħallem kemm lil Yr. 6 u anke lil Yr.5. Dan qed isir biex intom ikollkom ħin biżżejjed biex tiddiskutu l-progress t’uliedkom. Nieħu gost li narakom ilkoll. Dan juri kemm tieħdu interess fl-edukazzjoni.

L-għalliema tal-klassijiet se jagħtukom appuntament. Please ippruvaw żommuh. Dawk il-ġenituri ma jistgħux jiġu fil-ġranet imsemmija importanti li jikkuntattjawna.

Ħarġa Edukattiva għal Malta

Għada 15 ta’ Novembru t-tfal tal-Yr. 4 sejrin Malta mal-għalliema tagħhom.

Nfakkarkom fil-Meeting lill-Ġenituri tal-Yr.6   L-Erbgħa 16 ta’ Novembru. Se jiġi Counsellor Mr. Peter Paul Buttigieg biex ikellem lilkom ġenituri tat-tfal tal-Yr. 6. Ġa konna bgħatnielkom avviż. Importanti tiġu. Din il-laqgħa tibda fid-8.45am.

Il-Ħamis 17 ta’ Novembru   Se jiġu l-Guidance Teachers li huma  Career Advisors.  U se jkellmu lit-tfal tal-Yr.6 biex jgħinuhom fl-għażliet tas-suġġetti għal Form I.

Jeans and Popcorn Day        Illum saret Jeans and Popcorn Day bħala Fund Raising.  Il-ġbir kollu  li sar minn din l-attivita’ tajnieh lil Parents ta’ Leah Xuereb,    tifla mill-Iskola tagħna li qiegħda fi sptar l-Ingilterra. Kuljum nitolbu għaliha u importanti li niftakru fiha fit-talb tagħna.  Grazzi mill-qalb lil Buzzy Kids li offrewlna s-servizz tagħhom b’xejn għal din l-attivita’.

Nota Importanti

Is-sena li għaddiet konna bdejna nippubblikaw ċirkularijiet tal-iskola fil-websajt tal-iskola bil-ħsieb li ma nibqgħux nibgħatuhom mat-tfal ħalli hekk innaqqsu mill-konsum tal-karti. Ser inkomplu nippubblikawhom fuq il-websajt u nibdew nibgħatuhom ukoll e-mail lilkom ġenituri fuq l-e-mail address tagħkom. Intom għalhekk ġentilment mitluba li timlew il-formola u tibagħtuha lura l-iskola mat-tfal. Napprezzaw ħafna li l-ġenituri kollha jkunu lesti jaqraw dawn iċ-ċirkolarijiet minn fuq il-websajt www.ghajnsielemprimary.wordpress.com jew minn fuq l-e-mail personali tagħhom. It-tfal ser ikollhom nota fuq in-notebook tagħhom kull meta noħorġu ċirkulari ġdida.

Kien mument sabiħ fl-aħħar ġimgħa t’Ottubru meta l-iskola kollha nġbarna fis-sala biex nitolbu t-talba tar-rużarju. Kellna rużarju animat b’video clips u qari. Kulħadd talab bil-qalb.   Talb li ofrejnieh għal dawk it-tfal l-aktar fil-bżonn.  

Għeżież Ġenituri,

1        Nixtieq ninfurmakom li nhar it-Tnejn 31 ta’ Ottubru t-tfal kollha tal-Iskejjel Primarji ta’ Għawdex ma’ għandhomx skola peress li hemm symposium dwar in-National Curriculum Framework għall-għalliema kollha t’Għawdex.

2.   MID-TERM HOLIDAYS

It-Tlieta, l-Erbgħa, l-Ħamis huma vaganzi tal-Mid Term. Importanti li t-tfal barra li jistrieħu jagħmlu reviżjoni ta’ dak li sar sa issa.

L-Iskola tibda nhar il-Ġimgħa 4 ta’ Novembru.  F’dan l-ewwel jum se tiġi ċċelebrata l-Quddiesa tal-Ewwel Ġimgħa tax-xahar.

     3     Jeans & Popcorn Day

Nhar it-Tnejn 14 ta’ Novembru se tiġi organizzata din l-attivita’ bħala Fund Raising activity għal-Iskola. It-tfal jistgħu jipparteċipaw billi jagħtu donazzjoni ta’ 1.50€ lil Iskola. Dakinhar it-tfal jiġu l-Iskola bil-Jeans u jingħataw borża popcorn.

Din id-donazzjoni trid tinġabar mill-għalliem tal-Klassi sa mhux aktar tard mill-Ħamis 10 ta’ Novembru biex inkunu nafu kemm se nordnaw popcorn.

Għeżież Ġenituri,

Ser issir laqgħa għalikom ġenituri dwar il-Framework tal-Curriculum il-Ġdid minn Chev. Frank Gatt il-Prinċipal tal-Kulleġġ ta’ Għawdex.

 

Data 25 ta’ Ottubru 2011

Ħin    5.30pm

Post   L-Iskola Sekondarja l-Ġdida tas-Subien.

Huwa importanti li intom li tinteressaw ruħkom fil-ġid edukattiv ta’ uliedkom tattendu għal din il-laqgħa. B’hekk tifhmu aħjar u tagħtu l-opinjoni tagħkom dwar il-Framework tal-Curriculum Nazzjonali li qed jiġi ipproponut.

Dame Marianne Zammit

a/Kap tal-Iskola

Għeżież Ġenituri

 Nhar it-Tlieta 18 ta’ Ottubru fit-8.30a.m. id-Dentist Dr. Stephen Borg Cardona ser jiġi l-iskola tagħna biex ikellem lilkom ġenituri u wara jagħmel check-up lit-tfal tagħkom tal-Kinder.  Jekk jogħġobkom kunu fil-ħin.  Grazzi.

 Dame Marianne Zammit

A/Kap tal-Iskola

The Malta IT Agency and Microsoft have come together for an educational cause to offer the fourth consecutive software initiative for students and teaching professionals.

 Students and teaching professionals can purchase, for home use, the Microsoft Office 2010 Professional Plus and/or the Windows 7 Professional Upgrade at a price that is 85% less than the local retail price.

 If purchased together the two products cost €79.79 (inc. VAT), if purchased separately Office 2010 Professional Plus costs €45.58 (inc. VAT) whereas Windows 7 Professional Upgrade costs €34.21(inc. VAT).

 €1.50 from the sale price of each product will be donated to Puttinu Cares.

 Registrations are online and close on the 31st of October, 2011.

Further information is available at  www.mita.gov.mt/software.

Il-ġimgħa 7 t’Ottubru kien jum speċjali għall-iskola tagħna.  Jum li fih it-tfal kienu mimlija entużjazmu għax magħhom ġabu l-pets favoriti tagħhom biex isir it-tberik tal-annimali.  J’Alla din il-ġurnata tgħin biex tnissel f’qalb it-tfal aktar imħabba u rispett lejn l-annimali.  (Aktar ritratti)

Għeżież Ġenituri,

Nixtieq ngħidilkom prosit lilkom ġenituri kemm qed tibagħtu t-tfal tagħkom l-iskola nodfa, puliti u sbieħ, kulħadd bl-uniformi.  J’Alla nibqgħu hekk is-sena kollha.  Kif rajthom l-ewwel ġurnata għat-talba ħassejtni kburija li ġejt fostkom.

Bdejna sena ta’ ħidma għall-ġid ta’ uliedkom.  Nixtieq nirringrazzja lil ex-Kap Pauline Grech tal-ġid kollu li għamlet ma’ wliedkom u nawgurawlha fix-xogħol impenjattiv li daħlet għalih.  Nirringrazzja wkoll lil Asst. Kap Mr. Anthony Refalo tas-servizz li ta f’din l-iskola u nawgurawlu fl-iskola l-ġdida.

Laqgħat magħkom

Beħsiebni niltaqa’ magħkom ilkoll fil-parents meeting li se jkunu mqassmin fuq diversi ġranet skont il-Years tagħhom.  Qed nerġa’ nagħtikom id-dati biex infakkarkom.

Year 6                It-Tnejn 10 ta’ Ottubru

Year 5                It-Tlieta 11 ta’ Ottubru

Year 4                L-Erbgħa 12 ta’ Ottubru

Year 3                Il-Ħamis 13 ta’ Ottubru

Year 2                Il-Ġimgħa 14 ta’ Ottubru

Kinder 1 & 2      It-Tnejn 17 ta’ Ottubru

Year 1                It-Tlieta 18 ta’ Ottubru

Il-ħin ikun fis-1.00p.m. fil-kamra ta’ ħdejn l-uffiċċju tal-Kap tal-Iskola.

 School Fruit Scheme  

Qed nibgħatilkom applikazzjoni tal-Iskema Frott u Ħaxix.  Ta’ kull sena t-tfal kollha jistgħu jieħdu frott u ħaxix frisk b’xejn darba fil-ġimgħa.

 Kull ma tridu tagħmlu timlew l-formola u tibagħtuha mat-tfal l-iskola sa għada il-Ġimgħa.  Importanti: Jekk hemm xi tfal li huma allerġiċi għal xi frotta jew ħaxix,  iktbu ħalli dakinhar jingħataw xi ħaġa oħra.

Nixtieq li lkoll japplikaw għax il-frott u ħaxix hu tajjeb ħafna għal saħħitna.

Interactive White Boards

F’kull klassi twaħħlu interactive white boards.  Innotajt b’sodisfazzjoni li l-għalliema tal-iskola tagħna bdew jużawhom għal-lezzjonijiet mill-ewwel ġurnata.  Kburija li għandna għalliema tajbin u ta’ xogħolhom.  Please ikkoperaw magħhom għall-ġid ta’ uliedkom.  Araw li l-homework li jingħataw isir u ħeġġuhom jaqraw.

Tberik tal-Annimali

Għada il-Ġimgħa hija Animal Awareness Day u fl-10.30 a.m. se jitbierku l-annimali ta’ wliedkom.  Intom ilkoll mistiedna tattendu għal din iċ-ċeremonja u wara tieħdu l-pets magħkom lura d-dar.

It-Tlieta 25 ta’ Ottubru

Nhar it-Tlieta 25 ta’ Ottubru t-tfal għandhom skola sa 12.00p.m. (nofsinhar) peress li aħna l-għalliema se jkollna laqgħa dwar in-National Curriculum Framework fi skola oħra.

Appuntamenti

Meta xi ħadd minnkom ikun jixtieq ikellem lili jew xi għalliem ieħor, jekk jogħġobkom ċemplu l-iskola fuq 21553548 biex tagħmlu appuntament.  Jiena nwiegħdkom il-koperazzjoni kollha tiegħi basta għall-ġid tat-tfal.

Dame Marianne Zammit

A/Kap tal-Iskola

Aktar ritratti

Minn qalbna nirringrazzjaw lill-kap tal-iskola Ms.Pauline Grech li wara diversi snin waslet fi tmien il-ħidma tagħha fl-iskola Primarja ta’ Anton Cassar. Kienu snin sbieħ li għexna bħala familja. Snin mimlija b’xogħol siewi, rispett, ħidma u dedikazzjoni kbira fejn rajna l-iskola tagħna timxi aktar `l quddiem fl-għaqda imma fuq kollox f’edukazzjoni ta’ livell għoli.  Dak li għamilt magħna ser jibqa’ f’qalbna għal diversi snin u żgur li ser iħalli memorji sbieħ.  Inwegħduk li nibqgħu niftakru fik fit-talb tagħna. Fl-istess ħin nawguraw l-isbaħ ħidma lill-Kap tal-Iskola Dame Marianne Żammit li ħadet it-tmexxija tal-iskola tagħna b’dedikazzjoni u b’entużjażmu kbir.